--Ads--
Saan a piliten ti Commission on Elections dagiti kandidato a makipaset kadagiti maisayangkat a debate.
Segun ken ni COMELEC Chairman George Erwin Garcia, ipaimadan kadagiti ania man nga entity ti pannakaisayangkat ti debate, ta saandan a bibiangan ti launenna.
Innayon ni Garcia nga uray dagiti saludsod iti debate ket saanen a bibiangan ti COMELEC ken inlawlawagna nga awan ti linteg a mangobligar kadagiti kandidato a sumabak iti debate.
Inallukoy latta met ti COMELEC dagiti kandidato a no kabaelanda laketdi ket makipasetda kadagiti maisayangkat a debate tapno ammo dagiti agbotos iti plano ken plataporma dagiti kandidato.
-- ADVERTISEMENT --
