--Ads--
Saan nga agipatungpal ti Comelec ti four-day workweek wenno uppat nga aldaw a serrek iti trabaho gapu iti panagsagana ti tallo nga election a nakaituding ita a tawen.
Pinasingkedan ni Comelec Chairman George Erwin Garcia a saan nga agipatungpal ti ahensia ti nadamakat nga schedule gapu iti agdama a voter registration.
Agsagsagana pay ti Comelec iti election ti maikadua a distrito ti Antipolo City inton Marso 14, ti Bangsamoro parliamentary election inton Setyembre ken ti Barangay ken Sangguniang Kabataan elections a mapasamak inton Nobiembre 2.
Nupay a saan nga in-adopt ti ahensia ti policy, impaganetget ni Garcia a nangrugin ti Comelec iti panangipatungpal ti sumagmamano nga addang tapno maka-inot ti enerhiya.
-- ADVERTISEMENT --
