Pinalagipan ti Commission on Elections (Comelec) dagiti amin a kandidato iti May 2025 National and Local Elections, nangabak man wenno saan ket masapul nga agipasa ti Statement of Contributions and Expenditures (SOCE) agingga June 11, 2025 ket awan ti pawayway kadakuada.
Segun ken ni Comelec Spokesperson Atty. John Rex Laudiangco, ti tallopulo nga aldaw a deadline a nangrugi idi May 13 ket naimandato iti linteg ken saanen a masukatan pay.
Inlawlawagna nga awan ti karbengan ti Comelec a mangsukat ti naituding nga aldaw kas maibasar ti consecutive rulings iti Supreme Court.
Pinalagipanna pay ida kontra iti panagipasa ti SOCE babaen ti email wenno registered mail a nakaibagaan iti pagkasapulan para ti physical verification iti orihinal a dokumento, pirma ken resibo.
Inlawlawagna a saanda nga awaten nu kasta a wagas ta nadardaras iti panagipasa iti isu met laeng a lugar a nagiapsaan dagiti kandidato iti Certificate of Candidacy (COC). Impaganetgetna a dagiti mapaay nga agipila iti SOCE ket adda dusa a maipataw kadakuada nangruna kadagiti nangabak a kandidato.
