Nakasagana ti Commission on Elections a sumango iti kongreso tapno sungbatan dagiti mapapati nga iregularidad iti naglabas a midterm elections.
Segun ken ni Comelec Spokesperson Atty. John Rex Laudiangco, silulukat ti ahensia iti imbestigasyon ken nakasaganadqa a mangted iti impormasyon tapno maipakita ti naballigi a panagpipili.
Dayta ket kalpasan a nangipasa iti House Resolution No 2291 dagiti sumagmamano a kongresista manipud iti Makabayan Bloc a da Kabataan Partylist Rep. Raoul Manuel, Gabriela Rep. Arlene Brosas ken ACT Teachers Rep. France Castro.
Nagpanawaganda pay iti kamara a mangisayangkat iti imbestigasyon iti mapapati nga aberya ken anomalya iti eleksyon kas kadagiti depektibo a makina, kaawan dagiti voter receipt, atiddug a pila, overvotes, red-tagging ken panagaramat iti technology provider a Miru Systems.
