--Ads--
Saan a paingetan ti Commission on Elections dagiti kandidato a dumar-ay kadagiti graduation ceremony.
Kangrunaan dagiti incumbent official nga aw-awisen dagiti pagadalan ket maikkanda ti gundaway nga agsarita.
Ngem palagip ti COMELEC a saan a gundawayan daytoy a kanito ta ti seremonya ket saan a para kadakuada no di ket para kadagiti agturpos nga estudiante.
Nupay kaaduan kadagiti maim-imbitaran iti graduation ceremony ken kadagiti elementary ken high school, ket saan pay a makabotos dagiti estudiante, adu met dagiti nagannak a dumar-ay iti seremonya.
-- ADVERTISEMENT --
Malaksid dayta, panawagan ti COMELEC kadagiti kandidato a saan a punawen iti campaign poster dagiti pagadalan ta maiparit daytoy iti salinong ti patakaran iti panagkampanya.
