VIGAN CITY- Nagpalagip ti Commission on Election(COMELEC)- Ilocos Sur inaig iti panagpila ti Statement of Contributions and Expenditures (SOCE) dagiti amin a nagkandidato para iti barangay ken sangguniang kabataan election ita a tawen.
Segun kenni Atty. Rhodora Arrocena, provincial election supervisor, amin a nangipila ti certificate of candidacy, uray no dagiti naabak ket obligado a mangipila ti SOCE .
Dagiti guidelines iti SOCE ket makita iti website ti Comelec nga ita ket nasimsimple no ikomperar iti national ken local elections
Kabayatanna, pinatalgedan ni Atty. Arrocena a “generally peaceful” ti barangay ken SK election iti probinsya ta iti laksid nga adda rimsua a parikut kas iti isyu ti overage kadagiti SK candidates ken naitantan a proklamsyon gapu kadagiti nagtabla a kandidato ket nadaras met laeng a nasolbar.
