--Ads--
Inawagan a fake news ti Commission on Election ti maysa a post iti social media a mangibagbaga a kasapulan ti agbayad iti P3,000 iti panagparehistro tapno makabotos.
Segun iti COMELEC, saan daytoy a pudno ken saan a naggapu iti komisyon ti nasao a post.
Inlawlawag ti poll body a ti panagparehistro kas maysa a botante ket karbengan dagiti kwalipikado a Pilipino ken awan ti nasken a mabayadan.
Saan nga agsingsingir ti opisina ti Comelec iti ania man a gatad iti panagparehistro isu a nagpalagipda iti publiko a saan a patien dagiti unverified post ken saan nga i-click dagiti link a maipopost iti online.
-- ADVERTISEMENT --
