Nagballaag ti Commission on Elections iti publiko mainaig iti agwarwaras iti online a mangar-aramat iti nagan ken logoda tapno maka-hire kadagiti poll watcher ken machine operator para iti midterm elections.
Segun iti Comelec, ‘fake news’ ti graphics nga agwarwaras ita iti social media ken awan pay ti opisial a waragawag manipud iti poll body.
Kabayatanna, linawlawagan pay ni Comelec Chairman George Erwin Garcia a ti agwarwaras a mensahe nga agtugot ti marking pen iti balota gapu ta naingpis unay isu nga agresulta iti overvote, ngem balakadna a nasken nga husto laeng ti panang-shade iti bilog iti asideg ti nagan ti kandidato babaenb iti official marking pen manipud iti poll body.
Dagiti balota ket dimmalan iti rigid quality assurance ti Comelec ken National Printing Office isu a dagitoy ket ink-absorbent ken compatible iti official marking pen.
Nagballaag pay ti opisial iti publiko a saan a mangted iti ania man a personal nga impormasyon iti ania man a saan a beripikado a post ken ireport ti ania man a post kadagiti otoridad.
