VIGAN CITY – Nagpalagip ti Commission on Elections kadagiti umili a saanda a pagbalinen nga ang-angaw iti panagbotos inton May 9, 2022 election.
Iti pannaki-uman ti Bombo Radyo Vigan kenni Commission on Elections Spokesperson James Jimenez, tapno maliklikan iti parikot inton panagpipili i-shade wenno bukelan a nalaing ti batog dagiti kandidato a kayatda wenno napilida.
Segun ken ni Jimenez, ti kangrunaan a parikot ket ti over voting wenno nasurok iti botosda a kandidato ta masayang ken saan a maibilang para ti nasao a posisyon kas ti kina-presidente.
Masapul a siguradoen dagiti umili nga agbotosda ti partylist a masarakan iti likod a paset ti balota ta rason dagiti kadduan ket saanda a makita.
Agtultuloy iti panangpalagip ti COMELEC kadagiti amin a botante a suruten dagiti pagannurutan iti panagbotos ken siguradoen a sakbay nga awaten dagiti balota ket awan iti nakasurat a sabali ken blangko ti balota.
