Plano nga agkiddaw ti tulong ti Commission on Elections (Comelec) iti Philippine Coast Guard (PCG) a mang-asistar kadagiti botante iti umadanin a Bangsamoro Autonomous Region in Muslim Mindanao (BARMM) Parliamentary Elections (BPE).
Segun ken ni Comelec Chairperson George Garcia, ikonsiderarda iti panag-deploy ti PCG personnel nu kas bilang kasapulan ti serbisyoda inton October 13 elections.
Kinunana nga agsagsaganadan tapno sanayen ti PCG personnel nga agbalin a miembro ti Electoral Board (EB) nu kas bilang adda dagiti mangisursuro a mapaay nga agserbi iti eleksyon.
Sangaribo a kameng ti PCG iti planoda a pagpatulongan ta kayat a dagiti miembro ti Philippine National Police (PNP) ket nakatutok iti panangsalaknib kadagiti umili ken mapagtalinaedda a nakappia iti lugar.
Umabot iti siam a ribo a EB members iti kasapulan para iti Bangsamoro Autonomous Region in Muslim Mindanao Parliamentary Elections.
