--Ads--
Kiddawen ti Commission on Elections ken ni Presidente Ferdinand Marcos Jr nga ideklara ti suspension ti klase ken trabaho inton November 3 tapno maikkan iti naan-anay nga oras dagiti botante iti Barangay and Sangguniang Kabataan Elections.
Segun ken ni Comelec Chair George Garcia, napateg ti suspension inton Nobiembre 3 tapno saan a dagus nga agsubli dagiti botante manipud kadagiti probinsiada tapno agbotos.
Mangrugi met ti panagipila iti Certifictae of Candidacy para kadagiti kandidato iti barangay ken Sangguniang Kabataan inton Setyembre 28 agingga Oktubre 5.
Naituding ti election period manipud Oktubre 3 agingga Nobiembre 9, idinto a ti campaign period ket manipud Oktubre 22 agingga Oktubre 31.
-- ADVERTISEMENT --
