--Ads--
VIGAN CITY – Impakammu ti Commission on Elections nga awan iti mapasamak nga eleksyon no saan a maisayangkat ti maudi a testing ken sealing kadagiti vote counting machine.
Iti pannaki-uman ti Bombo Radyo Vigan kenni Commission on Elections Spokesperson James Jimenez, sakbay a mapasamak ti panagpipili masapul a masigurado nga awan iti aniaman a parikot kadagiti VCM a maaramat.
Kayat nga ipakita ti COMELEC iti publiko nga awan iti problema kadagiti maaramat inton eleksyon ken imbitaran ti ahensya iti publiko nga imatangan iti testing ken sealing kas kadagiti election watchdog, stakeholders ken dagiti accredited citizens arm.
Innayon ni Jimenez a mabuya dagiti Pilipino babaen ti live streaming ti maisayangkat a testing ken sealing.
-- ADVERTISEMENT --
