Intuding ti Commission on Elections ti Local Absentee Voting para iti May 2025 election inton Abril 28 agingga 30.
Iti salinong ti Resolution No 11091, intuding ti Comelec ti Local Absentee Voting iti tallo nga aldaw ken mailukat kadagiti opisial ti gobierno ken empleado, miembro ti Armed Forces of the Philippines ken Philippine National Police kasta payen kadagiti miembro ti media.
Ti Local Absentee Voting ket maysa a sistema ti panagbotos a mangipalubos kadagiti kwalipikado a tattao a nadutokan tapno akman dagiti responsibilidadda iti aldaw ti eleksyon nga agbotos para iti general public.
Mapalubosanda a bumotos para kadagit posisyon dagiti senador ken partylist organization.
Para kadagiti opisial ken empleado ti gobierno, dagiti miembro ti AFP ken PNP ket mabalinda a mangipila iti aplikasyonda kadagiti mangidaulo dagiti opisina, supervisor, commandant wenno opisial a sumaruno iti ranggo.
Mabalin ti agipila iti aplikasyon a saan a nalablabes ngem Marso 7, 2025.
