Insingasing ti Commission on Elections ti kaadda ti “safe spaces” iti social media, uray kadagiti voting precinct ken canvassing area tapno makatulong a mangsalwad kadagiti agbotos sakbay ti May 2025 midterm elections.
Dayta ket gapu ta adda dagiti dadduma a kandidato a naalas ti panagsarsaritada iti panawen ti kampanya.
Segun ken ni Chairman George Erwin Garcia, naisingasing daytoy kas nayun iti Anti Discrimination tapno mapalawa ti kampanya iti panagatake iti relihion wenno ania pay a pammati ti maysa a tao.
Idi Pebrero, nangiruar ti Comelec iti resolution a mangidekdeklarar iti panangikabil iti label kadagiti grupo ken indibidual kas kadagiti terorista, dissenters, ken dagiti kriminal nga awan ebidensyana ket panaglabsing iti 2025 midterm elections.
