VIGAN CITY – Inlawlawag ti Commission on Elections a mabalin latta nga agpaidasig iti May 2025 midterm elections ni Bamban, Tarlac Mayor Alice Guo iti baet dagiti kontrobersya a sangsangwenna inaig ti personalidad ken ti pannakainaigna kadagiti ilegal nga operasyon ti Philippine Offshore Gaming Operator.
Segun kenni Comelec Chairman George Garcia, mabalin latta a kumandidato ti maysa a local official iti eleksyon agingga nga awan pay ti nairuar a final conviction ti korte ti maysa a banag.
Innayonna a numan bilang mangiruar ti suspension order ti Department of the Interior and Local Government kontra kenni Guo ket ipalubos latta ti poll body nga agipasa isuna ti certificate of candidacy ta saan a maibilang dayta a final conviction.
Immunan a nangiruar ti rekomendasyon ti DILG iti Office of the Ombudsman para ti pannaksuspenso ni Guo idinto a nangiyuswat ti bukodna nga imbestigayon ti National Police Commission tapno maipaikkat ti bileg ni Guo a mangimaton kadagiti pulis a nakadestino iti lugarda.
