Inlawlawag ti Commission on Elections nga awan ti asino man a mabalin a makagaraw kadagiti balota uray pay no adda dagiti saan a na-shade a kandidato wenno ti maaw-awagan iti ‘undervotes.
Segun ken ni Comelec Chairman George Erwin Garcia, dagiti automated counting machines ket adda mekanismona tapno masigurado ti integridad ti botos, ken saan a mabalin a baliwan wenno switiken dagiti balota iti ania man a wagas.
Ti ania man a saan a pagkakaawatan wenno isyu mainaig iti undervotes ket saanna kayat a sawen a naswitik ti proseso iti panagbotos.
Malaksid dayta, kinuna ti Comelec a dagiti balota ket dimmalan iti nainget a proseso ti panagimprenta ken panangkita tapno masigurado a husto ken saan a naswitik.
Dagitoy nga addang ket paset iti agtultuloy a panangpatalinaedda iti integridad ken kredibilidad iti pagilian.
