--Ads--
Inkalintegan ti Commission on Elections ti desisyonda nga iregulate dagiti social media account dagiti kandidato para iti 2025 election nupay madakdakamat nga unconstitutional.
Iti salinong ti Comelec guidelines, dagiti individual aspirants, partylist groups, political parties, ken uray ti campaign staff da ket masapul nga irehistro ti social media accounts da iti Education and Information Department ti poll body.
Segun iti Comelec Chairman George Erwin Garcia, ti addang ket para iti Fair Elections Act ken makatulong daytoy iti Comelec a bantayan ti online spending dagiti kandidato.
Innayonna pay a ti pagannurotan ket napateg kas wagas tapno labanan ti panagwaras ti fake news, a pinakaro ti artificial intelligence, iti panawen ti kampanya.
-- ADVERTISEMENT --
