--Ads--
Al-allukoyen ti Commission on Elections ti publiko nga aktibo a makipaset iti panangbantay kadagiti campaign finances dagiti kandidato.
Kasta payen a makikaysa iti panawagan para iti dagus a pannakaamyendar dagiti linteg nga agpampannuray iti eleksion.
Segun ken ni Comelec Spokesperson John Rex Laudiangco, uray no nalawag ti obligasion dagiti kandidato nga ideklara ti kontribusion ken gastoda, adda latta “legal gaps” isu a makalisida iti criminal a pannusa.
Innayonna a napateg ti akem dagiti umili tapno matulongan ti ahensia iti panangipasigurado iti naurnos nga eleksion.
-- ADVERTISEMENT --
