Kiniddaw ti Commission on Elections (Comelec) ken ni President Ferdinand Marcos Jr. nga ideklrar a holiday inton May 12, 2025.
Segun ken ni Comelec Chairperson George Erwin Garcia, ti addang ket tapno maaddaan ti gundaway iti publiko a makabotos iti midterm elections.
Inlawlawagna nga adu dagiti adda serrekna iti trabaho nu eleksyon isu a makatulong nu maideklarar a holiday.
Numan pay ti election day iti Pilipinas ket tradisyonal a maidekdeklarar nga special non-working holiday ket awan pay laeng ti opisyal a proklamasyon a nairuar para iti eleksyon ita a tawen.
Kabayatanna, umabot iti 68 million a registered voters iti manamnama a makipaset iti May 12 elections nga agbotos iti 18,000 nga opisyal pakairamanan ti sangapulo ket dua a senador, 254 district representatives, 63 party-list lawmakers, ken 17,942 a local officials a kas iti gobernador, mayor ken councilor.
