--Ads--
Pinasingkedan ti Commission on Elections (Comelec) a maipariten iti panagaramat ti membership cards dagiti kandidato ken political parties iti campaign activities-da para iti May 12 elections.
Iti salinong ti Minute Resolution No. 25-0438, kinuna ti Comelec a saanen a maipalubos ti pannakaiwaras ti membership cards bayat ti political rallies ken campaign sorties.
Ibilang ti Comelec a panagabuso ti pannaka-usar ti membership cards iti panagkampania ken dadduma pay nga election-related activities.
Idi February 2024, impalubos ti ahensya ti pannakaaramat ti membership cards iti salinong ti Minute Resolution No. 25-0179 kalpasan a naibaga nga “other forms of election propaganda”.
-- ADVERTISEMENT --
