Pinalubosan ti Commission on Elections dagiti kandidato ken supporter nga agiwaras iti sample ballots para iti 2025 national and local elections, no la ket saanda nga ipakita ti official seal ti poll body.
Pinasingkedan dayta ni chairman George Erwin Garcia kagiddan ti panangipaganetgetna a dagiti maduktalan nga agar-aramat iti logo ti Comelec ket mabalin a sumango iti pannusa.
Impasigurado ni Garcia iti publiko a dagitoy a sample ballots ket saan a mabalin nga aramaten iti actual elections, agsipud ta daytoy ket naglaon iti security feature a para laeng iti automated counting machine a makabasa.
Pinalagipanna met dagiti kandidato ken supporter nga agiwaras iti sample ballot a saanda nga aramiden iti aldaw sakbay ti May 12 elections ken iti mismo a kaaldawanna.
