VIGAN CITY – Personal ti panangliklikmot ti Comelec Ilocos Sur kadagiti nadumaduma nga opisina tapno kitaen ti pagsasaadan ti voter’s registration a naituding a malpas ita nga aldaw.
Iti pannaki-uman ti Bombo Radyo Vigan ken ni Provincial Election Supervisor III Comelec Ilocos Sur Ericson Oganza, manageable met ti panagparehistroda ngem napaliiwda nga ita a tawen ket naidumduman ti manerana ta saan a kas idi nga adu ti pila kadagiti opisina agsipud ta iti umuna nga aldaw ket nawaya dagiti opisina.
Pinasingkedan ni Oganza a ti nangpaadu iti voter’s turnout ket gapu ti panangdanunda kadagiti pagadalan kangrunaan dagiti senior highschool nga agrehistro ken uray dagiti KK Voters wenno ti Katipunan ng Kabataan.
Innayonna a ti nasao nga addang ket kas panangsurot iti pammilin ti Comelec a naawagan iti satellite registration.
