Pormal a kiniddaw ni Commission on Elections Chairman George Erwin Garcia ti Anti-Money Laundering Council a mangisayangkat ti naun-uneg nga imbestigasyon kadagiti alegasyon kenkuana nga umaw-awat ti pasuksok manipod Korean firm.
Ti addang ket kalpasan nga imbaga ti maysa a kongresista a mapapati nga adu ti bank account ti Comelec chairman iti agduduma a pagilian.
Inruar ni Garcia ti Waiver of Secretary of Bank Deposits ken Affidavit of Denial-na tapno palubosan ti ti AMLC a lukatan dagiti bank account-na ken mangisayangkat iti imbestigasyon.
Kiniddawna ti National Bureau of Investigation nga imbestigaran ti nagtaudan ti pammabasol ta adda epekto dayta ti intergridad ti Comelec ken electoral process.
Kinunana a napateg a maduktalan nga insigida ti pudno tapno saan a madadael ti talek iti publiko ti sistema ti panagbotos.
