Natakawan ni Commission on Elections Chairman George Garcia bayat nga adda iti maysa a panganan idiay Pasay City.
Segun ken ni Garcia, napasamak iti insidente kalpasana a duimmar-ay iti panagdenggeg idiay Senado.
Kaduana ti staff-na a napan iti maysa a panganan iti Buendia ken Roxas Boulevard ket saanna a napansin a napukaw ti bagna a naidisso iti maysa a tugaw.
Posible a gapu ti bisin ket saanna a napansin a napukaw ti bag-na a naglaon ti kuarta, national ID, Comelec ID, prepared phone ken dadduma pay a dokumento.
Maibasar iti CCTV footage, adda agingga innem nga indibidual ti nakisabay kadakuada a nagturong iti panganan nga isu ti nangaramidanda iti panagsalisi.
Inreport na metten kadagiti polis iti nasao a pasamak ket namnamaenna a maisubli dagiti nasao a gamitna.
