VIGAN CITY – Inyanunsiyo ti Commission on Elections (Comelec) ti baro a requirement para kadagiti agkandidato iti midterm elections inton sumaruno a tawen.
Iti statement ni Comelec Chairman George Erwin Garcia, kinunana nga inrekomendana a masapul nga agipasa dagiti agkandidato iti ladawanda a maaramat iti campaign materials.
Segun ti Comelec chief a masapul a maala dagiti ladawan dagiti kandidato iti uneg ti innem a bulan sakbay ti pannakaipila ti certificates of candidacy.
Dagiti ladawan a saan a maipasa ngem nausar iti kampania ket maibilang nga unlawful materials.
Ti campaign period para kadagiti national candidates wenno dagiti agkandidato para iti senatorial ken party-list posts ket mangrugi iti February 11 agingga iti May 10, 2025.
Kabayatanna, ti campaign period para kadagiti local bets ket manipud March 28 agingga iti May 10, 2025.
Ti panagipila ti certificates of candidacy ket manipud October 1 agingga iti October 8 ti agdama a tawen.
