Nakasaganan ti Commission on Elections iti panangrugi ti panagipilaan iti Certificate of Candidacy kadagiti kandidato para iti 2025 Midterm election.
Segun ken ni Comelec Chairman George Garcia, nakasaganan dagiti election offices iti intero a lubong nga umawat iti Certificate of Candidacy manipud iti Senador agingga kadagiti municipal Councilors.
Inyakar pay ti komisyon ti dadduma nga opisinada iti dakdakkel a lugar tapno ma-accommodate dagiti kandidato ta bassit laeng dagiti opisinada.
Innayon ti Comelec a no kompleto aminen dagiti dokumento a naipasa ket mabalin nga agpaot laeng iti lima minutos ti panagipila iti COC dagiti kandidato.
Nagpalagip met ni Garcia kadagiti kandidato a siguraduen a kompleto ti amin a dokumento a maipasa tapno saan a mataktak.
Karaman kadagiti dokumento nga itugot ti maysa a kandidato ket ti COC da, nasken nga adda documentary stamp na, nanotaryoan, certificate of nomination and acceptance no karaman iti maysa a political party ngem no awan ket nasken nga ideklara iti COC nga isu ket independent.
