VIGAN CITY – Talek iti Namarsua ken bukod a kabaelan iti nagbalin a tibker ni Atty. Jann Danae Aninag iti pannakapasana iti 2023 Bar Examination kalpasan iti adu a karit a simmangbay kenkuana idi kallabes.
Iti pannaki-uman ti Bombo Radyo Vigan ken ni Atty. Aninag, dakkel a karit kenkuana iti kaadda ti heart murmur-na nangruna idi nangrugi a nagbasa iti law school ta pinanunotna pay nga agsardengen ta maapektaran nu dadduma iti kasasaadna ngem nagtalek iti Namarsua tapno magun-odna iti arapaapna.
Nupay kasta, iti panagturposna nangruna iti panag-reviewna ket adda manen ti karit a simmangbay kenkuana a nangsubok iti pammatina ta tallo a bulan sakbay iti panag-reviewda para iti eksaminasyon idi 2020-2021 bar exam ket na-diagnose isuna nga addaan ti colon cancer isu a saan a naka-exam ta nagpaagas ket napagasatan a naagasan isu a cancer-freen iti agdama.
Kabayatanna, patienna nga “in God’s perfect time” ket maipaay iti kalkalikagumanna isu nga iti daytoy a tawen a panag-examna ket napagasatanen a nakapasa a banag a pakaragsakanna.
VIDEO NI ATTY. JANN DANAE ANINAG
