Impakaammo ni Coleen Garcia nga impasngaynan idi August 17 iti maikadua nga anakda ken ni Billy Crawford a maysa a lalaki a napanaganan nga Austin.
Segun ken ni Coleen, impagarupna a water birth iti panagpasngayna idiay St. Luke’s Medical Center ngem napaspas ken saanna a ninamnama iti actual a panaganakna.
Segun ti aktres, bayat nga adda iti delivery room ken mapan koman iti bed ket kellaat a nakarikna iti nakaru a sakit ken nagidde bayat a nakatakder.
Iti maikadua a panagidde-na ket isun ti iruruar ni baby Austin a nakabungon pay laeng iti amniotic sac ket ni Coleen pay iti nangsarapa iti maladaga.
Kinunana a naidumduma iti panaganakna ita nu yarig idi ken ni Amari.
Iti baet a saan a nasurot ti planona ket pagyamananna ta nakapasngay a nasayaat.
