Indeklarar ti Department of Health (DOH) ti Code White Alert kas panagsagana ti epekto ti Bagyo Inday iti pagilian.
Segun ti DOH, epektibo ti alerto manipod ita nga aldaw.
Nakaalerto pay iti Operations Center-da tapno insigida nga agtignay kadagiti lugar a maapektaran iti bagyo.
Agtultuloy met iti koordinasyon ti DOH iti National Disaster Risk Reduction and Management Council (NDRRMC), dagiti lokal a gobierno ken dagiti regional disaster response unit.
Nakabantay pay ti ahensya para iti nadardaras a panagtignay ken pannakaipatulod dagiti serbisyo medical kadagiti lugar a maapektaran ti saan a nasayaat a panniempo.
Isagsagana payen ti DOH dagiti kangrunaan a kasapulan, pakairamanan dagiti emergency medicine, medical supplies, hygiene kits, water purification supplies, dagiti pagdiyanan ti nadalus a danum ken dadduma pay a napapateg nga alikamen.
