--Ads--
Saan nga inawat ti Malakanyang ti singasing ti maysa a political analyst a maaddaan iti updated drug test ni Presidente Ferdinand Marcos Jr. tapno mapaneknekan a negatibo daytoy iti testing.
Dayta ket iti baet ti panangibutaktak ni Senador Imee Marcos iti rally ni Iglesia ni Cristo a mapapati nga agar-aramat iti iligal a droga ti presidente.
Segun ken ni Palace Press Officer Atty. Claire Castro, saanda a patulan dagiti kastoy nga ideya ta makita met iti langa ken tignay ti presidente a maak-akmanna ti trabaho ken panagserbina kadagiti umili.
Kinuna ni Castro nga ad-adda pay a kasla adik ti dadduma nga opisial nga agpangpangta iti biag ti presidente.
-- ADVERTISEMENT --
