Saan nga ang-angaw dagiti naisingasing a kaso ti Independent Commission for Infrastructure iti Ombudsman kontra kadagiti karaman iti anomalya iti flood control projects gapu ta non-bailable dagiti dadduma a kaso.
Dayta ti personal a reaksion ni Palace Press Officer Atty. Claire Castro kalpasan nga insingasing ti ICI iti Ombudsman ti panangipila iti kaso a criminal ken administratibo kontra kadagiti dati ken incumbent a government official kangrunaan dagiti kaso a plunder, direct wenno indirect bribery, ken corruption of public official.
Segun ken ni Castro, amangan ta agruar dagiti neck brace ken wheelchair, ken amangan ta adda agkasapulan iti hospital arrest kas ti napasamak iti dati nga opisial ti gobierno kadagiti kaso iti anomalia.
Mamati ti opisial a no maisingasing ti ICI, manamnama a kompleto ti dokumento nga isu ti kayat ni Presidente Ferdinand Marcos Jr tapno natibker ti kaso.
