VIGAN CITY – Saan unay a narigat ti degree of difficulty iti eksaminasyon iti naudi nga eksaminasyon iti Civil Service Exam – Pen and Paper Test idi Agosto iti agdama a tawen nu yarig idi kallabes nga eksaminasyon.
Iti pannaki-uman ti Bombo Radyo Vigan ken ni Civil Service Commission Regional Director Hedy Jose Lardizabal, ad-adu iti nakapasa a nag-exam idi Agosto nu yarig idi Marso iti agdama a tawen.
Segun kenkuana, nalaklaka ita iti scope iti eksam nu yarig idi sakbay iti covid-19 pandemic ta patienna a simmayaat iti kalidad iti eksam.
Iti Region 1 manipod 22,108 a nagexam ket adda laeng 4,435 a nakapasa wenno katukad iti 20.06%.
Inyunay-unay met ni Lardizabal a tunggal eksaminasyon ket masukatan ti test questions ta apaman a maleppas ket agaramiddan iti sabali a set para iti sumaruno nga ag-exam.
VIDEO OF DIRECTOR HEDY JOSE LARDIZABAL
