VIGAN CITY – Inpakaammo ni Vigan City Mayor Bonito Singson iti umadani a pannakairusat ti Ciudad de Vigan pasaporte de turista a makatulong iti panangpapigsa ti turismo ditoy probinsia.
Iti pannaki-uman ti Bombo Radyo Vigan ken ni Mayor Singson, ti proyekto ket manamnama a mairusat iti bulan ti Mayo ken mailako kadagiti umay a turista.
Inlawlawag ti mayor a kas iti passport iti Pilipinas ken kapada iti pamphlet a mairuar a pasaporte a daytoy ket available iti tallo a kulay.
Iti umuna a panid ket makita ti pakasaritaan ti siudad ti Vigan, schedule of venets dagiti maramrambakan a piesta iti probinsia ken adda pay dictionary a mabalin a pakasursurwan dagiti turista iti Iloko words.
Malaksid iti dayta, maikabil dagiti detalye ti maysa a tao a gumatang kas ti nagan, petsa iti pannakaipasngay, petsa nu kaano a nai-issue, ken dadduma pay.
Nupay kasta, inlawlawagna a ti panagala ti pasaporte de vigan ket boluntaryo laeng ken ado iti mabalindanto a pag-applyan, ta naisingasing ken nakikammayetdan iti amin a negosyo, ken hotels iti probinsia a mabalin nga idiayen nga agrehistro dagiti mangayat a makaala, mabalin pay iti online.
Maala a sigod ti pasaporte ket addanto pay pasurotna a maited a pabalon kadakuaa a pagpilyanda kas iti maysa dosena ti longanisa, bagnet wenno abel nga aggatad iti 300-350 pesos.
Kabayatanna, inyunay-unayna a manarimaan iti panangipinalda kadagiti masapul a maileppas iti pannakairusat ti nasao a banag.
