VIGAN CITY – Nalukatanen ti Giant Christmas tree idiay sanguanan ti Provincial Capitol idi rabii, December 2, a pakakitaan kadagiti one town one product dagiti naduma-duma nga ili ken syudad ditoy probinsiya.
Ti ceremonial lighting ti nasao a christmas tree ket indaulwan ni Governor Ryan Singson nga inatendaran ken inimatangan dagiti mayor kadagiti naduma-duma nga ili ken syudad kasta payen dagiti sumagmamano nga umili.
Segun kenni Governor Ryan, napintas iti disenyo ti naipatakder a Christmas tree iti sanguanan iti kapitolyo ta nakadisplay amin a produkto ditoy probinsiya.
Kabayatanna, mangnamnama ni Provincial Tourism Officer Ryan Astom a babaen iti christmas display idiay sangwanan ti kapitolyo ket umadu manen dagiti turista nga umay agpasyar.
