VIGAN CITY – Sangapulo a ribo a pisos ti mabalin nga abaken ti tunggal maysa iti Christmas Reels Challenge nga inlukat ni Vice Governor Ryan Singson para kadagiti taga-Ilocos Sur nga agpatingga inton December 20.
Sangapulo a kamamayatan iti reels ti mapili babaen iti Vice Governor Ryan’s Team, a ti mapagibasaran ket ti video quality, creativity, originality, visual appeal ken execution.
Umuna nga aramiden ket i-like ken i-follow ti Facebook page ni Vice Governor Ryan Luis Singson.
Agaramid iti reel video nga adda iti temana a “Paskong Ilocano”. Masapul nga original ken creative ti video kasta payen a nasken ket awan ti copyright issues-na.
Masapul a ti reel videos ket saan nga aglabes iti innem a pulo a segundo.
Saan nga agiraman iti aniaman a madi nga uni, lenguahe, sala wenno gesture iti video.
Ipost ti reel iti comment section ken agimention iti tallo kadagiti Facebook friends ket saan a lipaten nga usaren ti hashtags a #BUSYGOBERNADOR, #RYANSINGSON ken #PASKONASAILOCOSSUR.
