Indauluan da President Ferdinand Marcos Jr. ken First Lady Liza Marcos ti Christmas tree lighting ceremony idiay Malakanyang.
Segun ken ni Marcos, deserve dagiti Pilipino nga agselebrar iti paskua uray pay nagsasaruno iti dimmuprak a bagyo iti pagilian isu a kalikagumna a tunggal maysa ket mariknada iti espiritu iti paskua.
Kinuna ni Palace Deputy Social Secretary Dina Arroyo Tantoco, amin ket naimbitaran iti panaglukat ti christmas tree pakairamanan ni Vice President Sara Duterte ngem saan a napan.
Inyawat pay ti presidente iti pammadayaw kadagiti top three iti National Parol-Making Competition babaen ti tema nga Isang Bituin, Isang Mithiin babaen ti Office of the President, Office of Social Secretary ken Department of Education.
3rd place ti Roxas City School for Philippine Craftsmen, 2nd place iti Panabo City National High School, ken ti nangabak ket Pedro V. Panaligan Memorial National High School.
VIDEO – PRESIDENT FERDINAND MARCOS JR.
