Idurduron ni Bicol Saro Partylist Representative Brian Yamsuan ti gakat a mangipaay iti Christmas bonus ken dadduma pay nga insentibo para kadagiti barangay tanod.
Iti House Bill 10909, idurduron ni Yamsuan a maikkan iti benepisyo agraman ti legal assistance ken insurance coverage dagiti tanod kas panangbigbig iti naisangsangayan a serbisioda tapno mapagtalinaed iti peace and order iti komunidad.
Nakapauneg pay iti singasing ti pannakairaman dagiti tanod no maipapan kadagiti livelihood programs ti national wenno local government.
No agbalin a linteg, maikkan dagiti security guard iti Christmas bonus a katukad ti kagudua ti gatad nga inawat ti Barangay Captain, libre a legal service manipud iti government lawyers no bilang sumangoda kadagiti kaso gapu ta inubrada laeng ti trabahoda. insurance benefit a katukad ti three-fourth a gatad a maawawat ti barangay captain.
Tapno mairaman iti livelihood program, masapul a makatawen ti panagserbi ti maysa a barangay tanod.
