VIGAN CITY – Pinalagipan ti Commission on Human Rights (CHR) iti gobiyerno, nangruna ti administrasyon ni Presidente Rodrigo Duterte , inaig iti obligasyon da nga agbalin a napudno iti panangsalaknib iti karbengan dagiti umili.
Dayta ket mainaig ti isyu idiay Recto Bank, nangruna iti panangipalubos ni Presidente Duterte nga agkalap dagiti Chinese nationals iti exclusive economic zone iti pagilian.
Segun ken ni CHR spokeswoman Atty. Jackie de Guia iti pannaki-uman ti Bombo Radyo Vigan a ti inbaga iti presidente a mabalin nga agkalap dagiti Chinese iti uneg ti teritoryo ti pagilian ket nalawag a panaglabsing iti karbengan dagiti Pilipino a mangngalap.
Innayon na a nu mabalbalin ket saan nga agkalap dagiti gangannaet iti exclusive economix zone ti Pilipinas ta ti nasao a teritoryo ket para laeng kadagiti Pilipino.
