VIGAN CITY – Namnamaen ti Commission on Human Rights (CHR) nga idatag to ni Presidente Rodrigo Duterte iti maikapat a State of the Nation Address (SONA) inton Lunes nu anya dagiti nagappuanan na iti napalabas a makatawen a panagtakem na.
Malaksid iti dayta, segun ken ni CHR Spokeswoman Jackie De Guia iti pannaki-uman ti Bombo Radyo Vigan, namnamaen da pay nga idatag to ni Presidente Duterte nu anya ti linaon ti legislative agenda na iti Kongreso, nu anya dagiti linteg a kayat na a maaramid ken maipasa para iti pagsayaatan dagiti tattao.
Kayat ti komisyon a dagiti nasao a linteg a kayat iti presidente a maaramid ken maipasa ket mangbigbig iti karbengan dagiti tattao.
Kinunana, masapul a saan laeng a ti benneg ti economic, social ken cultural rights iti masapul nga itandudo iti presidente ngem ketdi pati iti civil ken political rights.
