--Ads--
Pormal nga inawat ni Senador Francis “Chiz” Escudero iti show cause order ti Commission On Elections (COMELEC) kontra kenkuana mainaig iti P30 milyon a gatad a donasion a maipagarup nga inawatna idi 2022 elections.
Segun ken ni Escudero, ti panangawatna iti bilin ti komision ket tsansa-na a mangipakita nga awan ti naglabsinganna iti aniaman a linteg idi napalabas nga eleksion.
Innayonna pay a nakasagana isuna a sumungbat ken mangipakita a saan nga husto dagiti pammabasul kontra kenkuana mainaig iti panagawat ti donasion.
Maipalagip a basar iti Article 11 iti Omnibus Election Code ket nainget a maiparit dagiti contractor’s wenno sub-contractors a mangipaay ti donasion kadagiti opisial ti gobierno.
-- ADVERTISEMENT --
