--Ads--
Pinatulodan ti Commission on Elections iti show cause order ni Senador Chiz Escudero, kas kinumpirmaran ni Chairman George Erwin Garcia.
Segun ken ni Garcia, masapul nga agpalawag ti senador mainaig iti isyu ti panangawatna iti mapapati a P30 million a campaign contribution manipud iti kontratista a ni Lawrence Lubiano idi 2022 elections.
Innayonna a naikkan ni Escudero iti sangapulo nga aldaw tapno agpalawag ken namnamaenda a dumar-ay ti abogadona iti hearing inton October 13, 2025.
Immunan nga inamin ni Escudero a gayyem ken campaign donor-na ti kontratista a nakaala kadagiti flood control project ti gobierno ngem kunana nga awan ti pakainaiganna iti kompania ken pangdadaelda laeng daytoy kenkuana.
-- ADVERTISEMENT --
