VIGAN CITY– Komplikado iti agbalin a sitwasyon no dagiti Chinese ken Russian forces iti tumulong kadagiti Armed Forces of the Philipines (AFP) idiay Marawi City.
Segun kenni Magdalo party-list Rep. Gary Alejano, possible a saan nga agkikinnaawatan dagiti Pilipino a suldado ken dagiti gangannaet agsipud ta sabali iti lenggwahe da ken saan da a matarusan iti Ingles.
Kabayatanna, para kenni Alejano ket nasken a pagyamanan iti gobierno iti tulong nga ipapaay dagiti US government troops agsipud ta uray no saan da a karaman iti combat operation ket makaipaay da met iti intelligence gathering.
Innayonna a datin a tumultulong ti US troops kadagiti naglabas ngem kontrobersyal laeng itatta agsipud ta namin-ano nga inbuksilan ni president Rodrigo Duterte a saan na a kayat nga adda iti presensya dagiti amerikano a suldado nangruna idiay Mindanao.
