Kinumpirmaran ti NBI a pinatulodanda iti subphoena ti maysa a kompania idiay Makati City a mapapati a kinontrata ti Chinese embassy tapno mangidaulo iti keyboard warriors a gagem a makibiang iti eleksyon iti pagilian.
Mapapati a ti troll farm a papatarayen ti kompania ket agiwarwaras kadagiti madi nga impormsyon ken panangdadael kontra iti gobierno.
Ti addang ti NBI ket kasaruno iti panagdenggeg iti Senado a nangipakitaan ti kopya iti mapapati a service agreement iti nagbaetan ti Chinese Embassy iti Pilipinas ken ti Makati-based nga InfinitUs Marketing Solutions Incorporated.
Intudo ti Senado ni Wu Chenqi, Chinese Embassy Director for Media and Public Relations kas mangibagi iti tulagan.
Segun ken ni NBI NCR Assistant Director Noel Bocaling, inton May 2 ket namnamaenda a mapan idiay NBI ti mangibagi iti kompania.
Siguradoen ti NBI nga agtalinaedda nga apolitical iti aramidenda nga imbestigasyon.
