VIGAN CITY – Pinasingkedan ni National Security Adviser Eduardo Año nga agiwarwaras ti saan a pudno nga impormasyon ti Chinese Embassy babaen ti panangallilaw kadagiti journalist inaig ti mapapati a new model a nagtulagan ti Pilipinas ken China inaig ti West Philippine Sea.
Segun ken ni Año, awan ti kinapudno, nakakakatawa ken kalokoan laeng ti sarita ti Chinese Embassy inaig kadagiti resupply mission idiay Ayungin Shoal.
Kinuna ni Año a nagaramid ti chat group ti Chinese Embassy kadua dagiti dadduma a napili a journalist ket isuda mismo ti agpopost kadagiti leading questions ken sumungsungbat tapno manipulaen ti media nga agkidkiddaw ti sarita iti gobierno iti pagilian.
Inlawlawagna a babaen ti nasao a wagas ket matinnag ti palab-ong ti embahada tapno maiwaras ti inarmidda a saan a pudno nga istorya.
