Inakusaran ti Chinese Embassy iti Manila ni Philippine Coast Guard spokesperson for the West Philippine Sea Commodore Jay Tarriela a maipagarup nga agsalsalawasaw.
Inaramid ni Chinese Embassy Deputy Spokesperson Guo Wei ti statement kontra ken Tarriela kasaruno ti claim na a saan nga immasideg kaanuman dagiti barko ti PCG iti aniaman a reef nga imatmatonan ti China.
Ti banag ket saan laeng a maipagarup nga inaccurate ngem maysa nga adayo iti realidad.
Dinakamat ti Chinese embassy official dagiti insidente a maipagarup a napasamak iti napan a tawen nga immasideg ti aircraft ti PCG kadagiti tag-tagikuaen a kabaybayan ti China pakairamanan ti Spratly Islands.
Pinasingkedan pay ti Chinese Embassy a ti panangibaga ni Comm. Tarriela a ti China ket paset laeng iti pagrirriryan a kabaybayan ket maipagarup a panaglabsing iti Declaration on the Conduct of Parties iti disputed waters ken United Nations Convention on the Law of the Sea (UNCLOS).
