VIGAN CITY – Agingga inton Biyernes, October 4, iti Chinese Community Solidarity Food Fair idiay Sikatuna village, Barangay 1, Vigan City kas pinasingkedan ni Barangay Captain Edgar Formoso.
Dayta ket gapu ta pinatgan ni Vigan City Mayor Juan Carlo Medina iti kiddaw dagiti exhibitors a nakipaset iti nasao a solidarity food fair a mapawaywayan pay iti panaglako da.
Segun ken ni Formoso, nu makitan dagiti aglaklako a manmanun dagiti tattao wennu arigna awanen iti customers da, agserra dan nu madanun iti alas nuwebe iti rabii.
Agtinawenen a paset iti selebrasyon ditoy syudad ti Vigan tunggal madanun iti bulan ti Setyembre iti pannakaisayangkat ti Chinese Community Solidarity nga isu iti pagyamyamanan dagiti miyembro ti Chinese community ditoy syudad.
