Suportaran ti China ti pangngeddeng ni President Ferdinand Marcos Jr. nga i-ban amin a Philippine Offshore Gaming Operators (POGO) iti pagilian.
Segun iti Chinese Embassy in Manila, ti addang ni Marcos ket sungbat ti panawagan dagiti umili iti Pilipinas ken agserbi a common interest dagiti tattao dagiti dua a pagilian.
Idiay China ket amin a klase ti sugal ket illegal.
Innayon ti embahada a nakasagana iti China nga ituloy ti natibker a law enforcement cooperation-da iti pagilian ken panangsalaknib iti kinatalged dagiti tattao iti dua a pagilian.
Maipalagip nga idi naisayangkat ti maikatlo a State of the Nation Address ni President Marcos ket impakaammona ti pannakapagel ti POGO iti pahilian ta maladingitan kadagiti krimen nga isaysayangkat iti nasao nga industriya.
