Nangiruar ti resolusyon ti China a kemmegen dagiti gangannaet a mangsakop iti patienda a kukuada a kabaybayan kasaruno iti balligi a civilian mission dagiti sangagasot a bangka ti Pilipinas iti West Philippine Sea.
Basar iti regulatory document ti China, epektibo ti pammilin inton Hunyo a nakailanad a mabalin nga ibalod ti China Coast guard iti agingga innem a pulo nga aldaw dagiti ganganaet nga ilegal a dumalan kadagiti borderda.
Nupay kasta, saan pay a kinumpirmaran ti Chinese Embassy idiay Manila ti nasao a banag
Kabayatanna, inawagan ni PCG spokesperson for the WPS Comm. Jay Tarriela ti direktiba ti China nga ilegal ken patienna a saan a seryoso ti China ta manamnama a kumontra dagiti apektado a dadduma a pagilian kas ti Vietnam, Malaysia ken Indonesia.
Patien ti opisyal a pammutbuteng laeng ti addang nga inruar ti China tapno saan a matuloy dagiti inisyatibo dagiti civil society idiay West Philippine Sea.
