Nangideploy ti China ti sumagmamano a maritime militia ships idiay Escoda (Sabina) Shoal kalpasan nga inyanunsiyo ti Pilipinas a nangipatulodda iti barko iti West Philippine Sea kas kasukat ti BRP Teresa Magbanua.
Segun kenni Retired US Air Force Col. Ray Powell, director ti SeaLight, nakamonitorda ti walo a Qiong Sansha Yu militia ships a naideploy manipud Panganiban (Mischief) Reef agingga iti Escoda Shoal iti tengnga ti aldaw.
Kabayatanna, kinuna ni National Maritime Council (NMC) spokesperson Undersecretary Alexander Lopez a ti mission ti barko a naipatulod ket mangmonitor iti bilang dagiti barko ti China iti lugar ken ipasa daytoy nga impormasion iti Department of Foreign Affairs (DFA) para iti posible a pannakaipila ti diplomatic protest gapu ta ti kaadda dagiti barko ti China iti Escoda shoal ket ilegal.
