--Ads--
Kinumpirma ti People’s Liberation Army Southern Theater Command ti China a nagisayangkat da ti joint air ken naval combat drills iti Scarborough Shoal.
Naisayangkat ti nadakamat a panag-patrolya a gagem na padasen ken pasayaaten ti combat readiness ti puwersa ti China tapno depensaran ti national territorial sovereignty ken maritime rights.
Inladawan ti Chinese military ti nadakamat a drills kas maysa a masapul a sungbat kadagiti aksion ti sumagmamano a pagilian a maipagarup a mangdadael iti kappia ken kinatibker ti rehiyon.
Iti agdama, awan pay ti inruar a komento ti Chinese Embassy iti Manila kasta met ti biang ti Pilipinas mainaig iti naisayangkat a military exercises ti China iti disputed water.
-- ADVERTISEMENT --
